Alegasyon nga pork barrel ang pondo sa AKAP, gihimakak sa DSWD!
GIHIMAKAK sa Department of Social Welfare and Development kon DSWD ang alegasyon nga pork barrel ang pondo sa Ayuda para sa Kapos ang Kita Program kon AKAP!
Matud ni DSWD Secretary Rex Gatchalian nga ang 26 billion pesos AKAP funds dili mapadulong sa magbabalaod apan sa departamento.
Gipamugos sa opisyal nga dili kini matawag nga pork barrel o pondo sa bisan kinsa.
Pondo kini sa DSWD.
Hisayran nga ang AKAP, usa ka financial assistance program aron motabang sa mga minimum ang suhulan nga dili sakop sa ubang programa sa DSWD aron makasagubang sa inflation.
SOURCE: RADYO 630
Photo Source: ABS-CBN
