3 ngadto 5 minutos nga pag-responde, gisiguro sa PNP tungod sa upgraded response system!

GISIGURO sa Philippine National Police kon PNP nga 3 ngadto 5 minutos lamang ang pag-responde sa mga itawag nga emergency cases pinaagi sa 911!
Tungod sa ilang upgraded nga response system.
Matud ni PNP Communications and Electronics Services Director Police Brigadier General Warren Gaspar Tolito nga gigamit sa PNP ang mas gipalambo nga sistema sa Next Generation 911 technology.
Susama sa sistema nga gigamit sa Amerika ug Europa.
Mahibal-an sa emergency responders ang eksaktong lokasyon sa caller ug dali ang pag-deploy sa first responders.
Kabahin sa Revitalized Emergency 911 Project sa Department of the Interior and Local Government kon DILG ang nasangpit nga inisyatiba.
Aron pakusgan ang abilidad sa kapolisan nga daling matubag ang emerhensiya sa urban ug rural areas.

SOURCE: Philstar
Photo: Philstar.com