“Tara, Basa”, gideklarar ni PBBM nga flagship program sa gobyerno!

GI-DEKLARAR ni President Ferdinand Marcos Jr., nga flagship program sa gobyerno ang tutoring program nga “Tara, Basa!”
Sukwahi kini sa self-authored “Isang Kaibigan” childrens book ni Vice President Sara Duterte nga nahimong kontrobersyal.
Tumong sa inisyatiba nga mapalambo ang reading skills sa mga bata sa nasud.
Ubos sa Executive Order 76, gimandoan ang ahensya ug local government units kon LGUs nga motabang sa implementasyon sa programa.
Nga nagtinguhang matabangan ang mga tinun-an sa elementary nga naglisod sa pagbasa samtang nagtanyag og short-term work alang sa mga estudyante sa kolehiyo nga nag-atubang og hagit sa pinansyal.
Una nang gilunsad sa Department of Social Welfare and Development kon DSWD ug Department of Education kon DepEd ang tutoring program niadtong Agosto 2, 2023 diin gi-train ang mga College students ug gibutang sa mga napili nga elementary schools aron mapalambo ang reading proficiency sa mga tinun-an.

SOURCE: Philstar
Photo: Philippine News Agency