Panagbangga tali sa duha ka motorsiklo sa Salay, Misamis Oriental, upat samaran ug usa patay!
PATAY ang usa ka motorsiklista ug laing upat samaran sa Salay, Misamis Oriental!
Human sa panagbangga sa duha ka single motor.
Biktima’ng patay giilang si Reggie Pabati, driver sa Suzuki raider samtang giila ang driver sa Honda XRM nga si Joseph Saraon
Base sa inisyal nga imbestigasyon nga susamang naglatas ang duha ka single motor sa usa ka direksyon aron maghatod sa ilang mga anak sa tunghaan.
Apan pag-abot sa lugar sa insidente gikan nagpatubil ang Honda XRM apan pagtabok niini sa highway tungod sa kakusog sa dagan sa Suzuki raider, nagbangga sila.
Naka-angkon ang mga biktima og samad ug bun-og sa lawas.
Matud ni Salay Municipal Police Station Investigator On-Case Police Corporal Glen Mark Ilogon nga naghulat na lamang sila sa desisyon sa pamilya sa biktima.
Kasamtangang nakakustodiya sa Police Station ang driver sa Honda XRM.
Una nang gibutyag nga susamang wala’y helmet ang mga biktima.
Padayon usab nagpa-alim ang mga biktima sa balay-tambalanan.
“…gikan sa gasoline station nagpatubil, pag tabok niya sa highway ang katong motor ni Pabati kusog kaayong dagan pag abot niya sa inner lane sa 4-lanes nag bangga ang ilang isig ka motor, sa karon ang driver sa motorsiklo naa karon dinhi sa Police station nag hulat pami sa pamilya sa iyang nabanggaan kung unsa ilang gusto mahitabo…”
Salay Municipal Police Station Investigator On-Case Police Corporal Glen Mark Ilogon.
SOURCE: SBPSH
Photo Source: GOOGLE MAP
