Panagbangga tali pick-up ug trailer truck sa El Salvador City, tulo samaran ug duha patay!

PATAY ang duha ka magtutungha ug laing tulo samaran sa panagbangga tali pick-up ug trailer truck sa Zone 7 Barangay Taytay, El Salvador City!
Naka-angkon ang mga biktima og samad sa ulo ug bun-og sa lawas.
Padayon pa’ng giila ang identity sa mga biktima samtang giila ang driver sa trailer truck nga si Ernie Apor.
Base sa inisyal nga imbestigasyon nga managlahi ang direksyon nga gilatas sa duha ka sakyanan, paingon ang trailer truck sa Iligan City samtang Cagayan de Oro ang pick-up.
Matud ni El Salvador City Police Office Investigator On Case Police Corporal Arnold Galagnara nga sa ilang inisyal nga imbestigasyon posible’ng nangilog og dalan ang pick-up sa trailer truck.
Wala usab sila’y nakitang indikasyon nga naka-brake ang pick-up samtang nakita usab nila nga kusog ang dagan sa trailer truck.

“…vehicle nga gimaneho sa usa ka estudyante nagtungha sa La Salle High School sa Iligan. Kining truck ga traverse gaagi sa first inner lane heading towards Cagayan de Oro – Iligan City prior sa accident kining pick up gimaneho sa isa sa mga estudyante paingon siya sa Cagayan de Oro, pag-abot sa present kita na ‘to na ang ilang point collision nana diri sa linya sa Iligan nga bahin kung basehan pod ang mga debris sa impact naa jud sa second lane so posible nga naasa first or second point of impact posible nga mi approach ang pick up sa linya sa basehan po na ang skid mark, wala tay skid mark na nakita sa pick up walay break nga nahitabo wala siya naka-apply og break kung basehan pod nimo ang truck nag-imprint siyag taas-taas nga skid mark..”
El Salvador City Police Office Investigator On Case Police Corporal Arnold Galagnara

SOURCE:SRLIVE
Photo: SR Files