Pagkunhod sa krimen sa region 10, dul-an 30 porsyento sigon sa PRO-10!

DUL-AN 30 persyento ang pagkunhod sa mga krimen o panghitabo sa region 10!
Sulod kini sa usa ka bulan nga paglingkod ni Police Regional Office kon PRO-10 Director PBGen. Jaycen de Guzman.
Matud ni PRO-10 Spokesperson Police Major Joan Navarro nga 30 porsyento ang pag-ubos ilabina sa 8 focused crimes nga nagpakita sa kinatibuk-ang peace and order situation sa rehiyon.
Lakip niini ang crimes against person sama sa murder, homicide, rape ug crimes against property nga sama sa robbery, theft, car napping ug motor napping.
Usa sa hinungdan niini ang gipahigayong nga overlapping checkpoints sa kapolisan.
Gani, mapasalamatan usab sila sa katawhan.

“…mapasalamaton kaayo atoang Regional Director ilabi na sa atong katawhan sa Northern Mindanao kay sa pag lingkud niya for 1 month from September 26 to October 26 itandi kana nato sa previous month nga August 25 – September 25 almost 30 percent ang pag ubos sa atoang mga krimen, mga panghitabo ilabi na sa 8 focus crime nga mao gayud ang nagpakita sa atoang peace and order sa rehiyon…”
PRO-10 Spokesperson Police Major Joan Navarro.

SOURCE: P.I/#27
Photo Source: MARKETMIND