Menor de edad nadisgrasya-patay sa motorsiklo sa Barangay Lumbia ning ciudad!

NADISGRASYA-PATAY sa motorsiklo ang 17 anyos nga menor de edad sa Barangay Lumbia ning ciudad alas 9 kapin kon kulang kagabii!
Naila ang biktima nga si Daren Salva Sabellino, taga sitio Mabuhay sa nasangpit nga Barangay.
Matud ni Cagayan de Oro City Police Office-Traffic Enforcement Unit kon COCPO-TEU Investigator Police Executive Master Sargent Marlon Mabalos nga gikan sa ilang balay ang biktima ug paingon sa Crossing Lumbia apan pag-abot sa subidahon nga bahin kalit kining natumba ug nalabay sa kongkreto nga koral ug nabunal ang ulo.
Nadala sa Northern Mindanao Medical Center kon NMMC ang menor de edad apan gi-deklarang Dead-on-Arrival.
Hisayran nga wala nag-helmet ang biktima ug ang nagsunod nga motorsiklista ang naka-diskobre sa insidente.
Padayon nga imbestigaran sa kapolisan ang hinungdan sa nahitabo human giingong kondisyon ang motor niini.

“..motor nga Suzuki 150 orange ang color, gi driban ni Daren Salva Sabellino, 17 years old. Gikan sa ilang balay sa may mabuhay Lumbia, paingon siya sa crossing Lumbia, pag-abot sa may subidahon na lugar natumba kalit ug didto nalabay na siya sa kural didto sa may concrete nga kural didto siya nabunal iyang ulo. Walay helmet, self accident. Naay mga motorista nga nakasunod maoy nagkuan nga naay na disgrasya, gidala siya sa ospital sa Lumbia sa ambulance pero ‘pag abot daw sa ospital gi-declare daw siya dead on arrival didto sa NMMC hospital..”
COCPO-TEU Investigator Police Executive Master Sargent Marlon Mabalos

SOURCE: P.I/#27
Photo:Gmaps