LTFRB, gipahimangno-an ang bus station operators nga dili pabayron ang publiko nga mogamit sa ilang kasilyas o toilets!
GIPAHIMANGNOAN sa Land Transportation Franchising and Regulatory Board kon LTFRB ang bus station operators nga dili pabayron ang publiko nga mogamit sa ilang kasilyas o toilets!
Human sa inspection sa LTFRB sa pinili nga terminals sa Metro Manila nasuta nga milapas kini sa lagda sa pasilidad ug ekipo sa stasyon.
Matud ni LTFRB Chairman Teofilo Guadiz III nga dili angay nga mangolekta og bayad ang bus terminals sa kung mo-gamit sa ilang toilets ug kinahanglan nga adunay na-instalar nga diaper-changing tables sa restrooms.
Gisultihan ni Guadiz ang operators nga mag-gahin og priority/express lanes sa pag-gamit og bathrooms.
Gipunto usab niini nga kinahanglan nga mogamit ang bus terminal operators og global navigation satellite system kon GNSS, CCTV nga continuous recording sa milabay nga 72 oras sa operasyon ug valid fire extinguishers.
Nakalatid kining tanan sa nagkalain-lain nga Department of Transporation kon DOTr orders ug policies.
Posibleng ma-penaltehan ang PUB ug Terminal operators kung pakyas nga maka-comply sa nasangpit nga rekisitos.
SOURCE: ABS CBN news
Photo Source: METRO NEWS
