Karambola tali pampasaherong jeep ug duha ka motorsiklo sa Barangay Mambuaya ning ciudad, usa ka motorsiklista dead on arrival!
DEAD on arrival ang usa ka motorsiklista human sa karambola tali jeep ug duha ka motorsiklo nga Suzuki raider ug Honda wave sa Zone 3, Barangay Mambuaya ning ciudad!
Naila ang motorsiklista’ng patay nga si Ruben Naheni nga nagmaneho sa honda wave, 60-anyos, ug residente sa NHA Mambuaya, giila ang driver sa Suzuki raider nga si Marlozon Karyao 27-anyos ug lomolopyo sa Quarry Zone 3-B sa nahisgutang barangay samtang giila ang driver sa jeepney nga si Marlo Villarza.
Base sa inisyal nga imbestigasyon nga susama og direksyon ang Suzuki raider ug pampasahero’ng jeep nga paingon sa City Proper, samtang paingon ang honda wave sa Mambuaya.
Pag-abot sa nahitaboan sa insidente giingong adunay iro nga kalit nga mitabok hinungdan nga gilikayan kini sa honda wave apan mi-overtake ang Suzuki raider sa passenger jeep nga mihunong aron magkarga og pasahero.
Apan nag-abot ang duha ka motorsiklo human napaingon ang honda wave sa lane sa Suzuki raider rason nga head-on nga nagbangga ang duha ka motorsiklo.
Naka-angkon ang biktima og head injury nga hinungdan sa hinanaling kamatayon.
Matud ni Lumbia Police Station 8 Traffic Investigator on Case Police Executive Master Sergeant Norberto Libres nga kasamtangang ana-a sa balay-tambalanan ang driver sa Suzuki raider human naka-angkon og fracture sa paa.
“..kining passenger jeepney ug kining usa ka Suzuki Raider paingon sila sa city proper dayon kining Honda Wave gisakyan sa nakabsan sa kinabuhi paingon siya sa Mambuaya proper gikan sa NHA. Matud pa sa angkas ni Robin Naheni sila paingon sa Mambuaya proper then kamulo byahe naay nitabok nga usa ka iro then nitry ni siya og liko ni wave lugar kibali para molikay, naa poy katong passenger jeepney naka hunong kay nagkarga sa pasahero ang gasunod na usa ka suzuki raider ni suave paingon sa iyang wala para mo-overtake unta sa katong passenger jeepney ang problema lang nag-abot sila maoy pag-overtake ni siya maoy pag suave pod sa usa ka motor nga gimaneho sa kato namatay kay nilikay nilahos sa travelling lane sa suzuki raider mao tong nagkabangga sila..”
Lumbia Police Station 8 Traffic Investigator on Case Police Executive Master Sergeant Norberto Libres
SOURCE: P.I/#8
Photo: maps
