Kapi’g five billion pesos nga kantidad sa gidili nga vape products, nakumpiskar sa BOC karong tuiga!
NAKUMPISKAR sa Bureau of Customs kon BOC ang kapi’g five billion pesos nga kantidad sa gidili nga vape products karong tuiga!
Matud sa BOC nga ilang gipakusgan ang pagpatuman ug pag-monitor sa Vaporized Nicotine ug Non-Nicotine Products Regulation Act ug ang Customs Modernization and Tariff Act.
Ang managlahing operasyon sa ahensiya nagpakita sa ilang determinasyon nga mabungkag ang gidili nga networks sa vape smuggling ug padayong pagpalig-on sa pagpatuman sa ilang kapabilidad.
Padayong makig-koordinar ang BOC sa Bureau of Internal Revenue kon BIR ug Department of Trade and Industry kon DTI alang sa ilang operasyon ug pag-monitor sa ilegal nga pagbaligya ug pagpalit sa produkto.
SOURCE: ABS CBN news
Photo: Remate
