Kantidad sa produksyon sa mag-uuma ug mangingisda sa nasud, mi-ubos!

MI-UBOS og 3.7 percent year-on-year ngadto sa 397.43 billion pesos ang kantidad sa produksyon sa mag-uuma ug mangingisda sa nasud!
Kini sa ikatulong quarter.
Matud sa Department of Agriculture kon DA nga ang pag-ubos tungod sa dautang panahon ug ang epekto sa African Swine Fever kon ASF sa hog production.
Ubos sa datus sa Philippine Statistic Authority kon PSA nga ang kantidad sa produksyon sa humay sa ikatulong quarter mikunhod og 12.3 percent year-on-year.
Nagresulta usab kini sa kinatibuk-ang pagkunhod sa crop output nga 5.1 percent ug mi-total sa 211.62 billion pesos.
Anaa sa 53 percent ang crops sa total value sa production samtang ang 16 percent sa livestock.
Mikunhod ang kantidad sa livestock sa 6.7 percent ngadto sa 61. 67 billion pesos.
Samtang, ang hog production nga adunay dakong kontribusyon sa livestock subsector mikunhod og 8 percent.

SOURCE: GMA News
Photo Source: PROVINCE OF AGUSAN DEL NORTE