Imbestigasyon sa BSP sa “system error” sa iladong e-wallet gitakdang makumpleto tunga-tunga sa Desyembre!
GITAKDANG makumpleto ang imbestigasyon sa Bangko Sentral ng Pilipinas kon BSP sa “system error” sa iladong e-wallet tunga-tunga sa Desyembre!
Mi-igo kini sa ubay-ubay ka users nga nakuhaan ang ilang account balances nga wala’y panugot.
Matud ni BSP Deputy Governor Mamerto Tangonan nga mihangyo kini og dugang 15 diyas alang sa ipahigayon nga makuting imbestigasyon sa hinungdan sa error ug mohimo’g lakang aron dili na subling mahitabo.
Una nang gibutyag sa central bank mi-aging semana nga palawman ang pagsusi sa maong hisgutanan.
Nakig-koordinar usab kini sa operator sa e-wallet aron masiguro ang dinali-ang kasulbaran.
SOURCE: GMA News
Photo: Bilyonaryo News Channel
