FPRRD buot subling ipadagan ni Davao del Norte 1st District Representative Alvarez pagka-Presidente sa nasud!

BUOT ni Davao del Norte 1st District Representative Pantaleon Alvarez nga subling modagan ug mapili si former President Rodrigo Duterte pagka-Presidente sa 2028!
Human nadasig sa re-election ni US President-elect Donald Trump.
Matud ni Alvarez nga pasagdan nga modagan ang kanhi Presidente ug pasagdan ang katawhan nga mo-desisyon kung adunay legal issue ug pasagdan nga ang korte ang mo-resolba niini.
Subay sa probisyon sa 1987 Constitution, limitado ang Presidente sa usa ka termino nga adunay unom ka tuig nga pagserbisyo nga walay re-election.
Dugang sa konstitusyon nga dili eligible ang Presidente sa bisan unsang re-election.
Apan nagtuo si Alvarez nga nagtumong lamang ang pagdili sa usa ka sunod-sunod nga presidential terms o sa kasamtangang milingkod o incumbent president nga dili tugutan sa re-election.
Dili kini mahimong ma-apply sa kanhi Presidente tungod dili na kini incumbent.
Gidugang ni Alvarez nga susama sa senators, kanunay nga makadagan human sa ilang sunod-sunod nga termino.
Gitugutan ang katawhan nga mo-desisyon kung buot nila nga subling mapili ang senator.
Gibutyag ni Alvarez nga kung nagtuo ang tanan sa demokrasya, pasagdan nga mopili ang katawhan.

SOURCE: Inquirer
Photo:Radyo Pilipinas