ERC gitugutan ang pagpatuman sa NGCP substation project sa Laguindingan, Misamis Oriental!
GITUGOTAN sa Energy Regulatory Commission kon ERC ang pagpatuman sa National Grid Corporation of the Philippines kon NGCP substation project sa Laguindingan, Misamis Oriental!
Nag-isyu ang ERC og resolusyon niadtong Nobyembre 21, ning tuiga nga nag-aprobar sa NGCP’s Laguindingan 230 kilovolt kon kV substation project ubos sa ERC Case No. 2021-002 RC.
Matud sa industry regulator nga laumang maka-boost sa grid security ug maka-suporta sa kalamboan sa ekonomiya sa Northern Mindanao ang proyekto nga mokantidad og kapig 2-billion pesos (2,336,389,334.51)
Palig-onon sa 230-kV substation ang power supply sa Misamis Oriental Electric Cooperative kon MORESCO-1 ug suportaran ang domestic industrial zone sa probinsya, Laguindingan Technopark sa gikinahanglan nga high-power transmission corridor.
Tubag usab ang proyekto sa overloading sa Opol Substation nga nahimong main power supply sa Laguindingan area ug matubag ang limitasyon sa Tagoloan Substation diin daghan components ang nanginahanglan og upgrading tungod sa ubos nga interrupting capacity.
Gimandoan sa ERC ang NGCP nga kumpletuhon ang Laguindingan Substation project Enero 31, 2025.
SOURCE: GMA News
Photo: Metro Cagayan de Oro and Northern Mindanao
