Election officer sa Nunungan, Lanao del Norte, gi-ambushed-patay!

GI-AMBUSHED-PATAY ang usa ka election officer sa Nunungan, Lanao del Norte sa wala mailang suspek sa Barangay Curva Miagao, Salvador, Lanao del Norte!
Biktima giilang si Mark Orlando Vallecer ll, hingkud ang panuigon ug residente sa Brgy. Patag ning ciudad.
Base sa inisyal nga imbestigasyon pauli ang biktima sa dakbayan sakay sa sakyanan apan kalit lamang kini’ng gipusil sa riding-in-tandem.
Nadala sa balay-tambalanan ang biktima apan gideklarar nga dead on arrival.
Matud ni COMELEC-10 Regional Director Atty. Renato Magbutay nga nagtuo kini’ng adunay kalabotan sa trabaho sa biktima ang motibo sa mga suspek.
Hinungdan nanawagan kini sa Kapulisan nga sulbaron ang kaso.

“..subo kaayo ta nga nahitabo ni sa atong election officer ang amo lang na gihangyo sa atong mga awtoridad specially sa atong kapulisan na masulbad unta ni nga kaso gatuo ko nga kani in relation sa ilang trabaho as election officer naghangyo ko sa atong kapulisan na tabangan ang COMELEC na masulbad ang kaso ug tagaan og hustisya ang pagkamatay sa atong election officer…”
COMELEC-10 Regional Director Atty. Renato Magbutay

SOURCE:#16/GMA NEWS
Photo: Michael Navarro