DSWD-10, dili prayoridad sa karon ang paghatag og Educational Assistance sigon ni Spokesperson Galia!
DILI prayoridad karon sa Department of Social Welfare and Development kon DSWD-10 ang paghatag og Educational Assistance!
Kini ang giklaro ni DSWD-10 Spokesperson Roshiel Galla human kapig 30 ka tinun-an ang midagsa sa buhatan aron mangayo sa maong assistance.
Giingong nadunggan sa mga tinun-an ang sayop nga impormasyon sa ilang mga classmates, silingan ug nabasahan sa social media.
Matud ni Galia nga sa karon gi-prayoridad nila ang paghatag og tabang sa mga life-and-death situations.
Hinungdan nga ang nabiling pondo gigamit sa Medical ug Burial Assistance.
“…kato man gud nilabay nga adlaw atong November 6 nakurat mi kay mga hapon na after 5:00pm naay mga nidagsa nga mga estudyante dinhi sa dakbayan ni dagsa sila sa among buhatan kay accordingly naa silay nasagap nga impormasyon nga si DSWD ga-massive release ug educational assistance katong pareho sa atong gipahigayon sauna atong 2022, mao to nga nangutana mi nila kung asa nila nakuha ang impormasyon so accordingly aside sa naa silay gaka kita sa social media, naa pud nikalat nga chismis sa ilang mga classmate, sa ilang mga silingan so mao to nga nianhi sila sa buhatan sa DSWD, mao to atong gipa klaro noh nga year end nata and limitado na gyud ang pundo so unfortunately dili namo priority ang educational assistance sa pagka karon tungod kay giuna namo tagaan ug prioridad katong naa gyud sa life and death situation…”
DSWD-10 Spokesperson Roshiel Galla.
SOURCE: SHV
Photo Source: MAPS
