Damyos sa nahitabo’ng sunog sa San Lazaro, Agora Barangay Lapasan ning ciudad, kapin kon kulang 1-million pesos!

KAPIN kon kulang 1 million pesos ang damyos sa nahitabo’ng sunog sa San Lazaro, Agora, Barangay Lapasan ning ciudad!
Kapin kon kulang 150 ka mga panimalay ang nadamyos.
Milungtad ang sunog sulod sa dul-ag duha ka oras ug giisa sa 4th alarm ang status.
Gituohang naggikan ang sunog sa panimalay ni Rogelio Sumalpong.
Matud ni City Fire District Operation Chief Fire Senior Inspector Kyle Lauzon nga naglisud sila sa pag-penetrate sa lugar tungod sa kagamay sa dalan.
Samtang, padayon pa nila’ng gi-imbestigaran ang hinungdan sa kalayo.

“…nag 4th alarm, estimated damage more or less one million fifty thousand tapos ang area is more or less three thousand square meters then naa tay nasunog na balay more or less 150, then mix ni siya nga balay sagol light materials ug concrete. Naay isa ka injured naay laxaration sa left leg, bata ni siya 10 years old. Tapos atoang fire truck responded sa Bureau of Fire Protection naa tay 11 then fire brigade naa tay 8. Ang challenge ang dalan diri ikaduha pod ang grabe ka kusog nga hangin so paspas kaayo kay mix man ang mga balay pero halos dominated man sa light material so pag mo kusog ang hangin mas mo kusog ang pag ang kalayo…”
City Fire District Operation Chief Fire Senior Inspector Kyle Lauzon

Kasamtangang ana-a sa Lapaz 1 covered court ang mga biktima.

SOURCE: SRLIVE
Photo: SR Files