AR’s sa OVP ug DepEd giduso sa House Committee on Good Government and Public Accountability sa PSA, NBI ug PNP!

GIDUSO sa House Committee on Good Government and Public Accountability ang makadudahang acknowledgement receipts kon AR’s sa Office of the Vice President ug Department of Education kon DepEd!
Sa Philippine Statistics Authority kon PSA, National Bureau of Investigation kon NBI ug Philippine National Police kon PNP.
Human gi-aprobahan ang motion sa pagduso sa maong AR’s atol sa nagpadayong imbestigasyon sa confidential funds sa departamento ubos kang Vice President Sara Duterte.
Gihimo ni Ako Bicol Party-list Representative Jil Bongalon ang pagduso sa nasangpit nga mga buhatan aron ma-verify ang mga pangalan ug kung nag-exist ba ug matabangan sila nga makapahigayon og handwriting o signature examinations aron ma-verify kung tinuod ba o dili ang recipients sa confidential funds ilabina si Mary Grace Piattos.
Una nang gibulgar sa Commission on Audit kon COA nga nag-sumiter ang OVP ug DepEd og AR’s nga sayop ang dates, signatures nga walay pangalan sa miperma, dili mabasa nga pangalan sa signatories aron mahatagan og katarungan ang disbursement sa ilang confidential funds sa 2022 ug 2023.

SOURCE: GMA news
Photo:MSN