30 kilometers per hour speed limit, ipatuman sa ciudad sa Macasandig Boulevard!
IPATUMAN sa ciudad ang speed limit nga 30 kilometers per hour sa mga mo-agi nga sakyanan sa Macasandig Boulevard!
Human gitakdang buksan karong alas 2 sa hapon.
Matud ni Rio de Oro Boulevard Management Team Chair Atty. Egay Uy nga aduna silay i-montar nga traffic enforcer gikan sa Roads and Traffic Administration kon RTA aron mag-monitor.
Nanghinaot sila nga motuman ang mga motorista aron malikayan ang disgrasya.
“…ang atong speed limit diha is 30 kilometers per hour, hinaot nga katong muagi, mga motorista nga mabuot asta ang dili mabuot kinahanglan diha nga mag baton sa husto nga panimuot, nga dili kusog magpadagan aron walay disgrasya nga mahitabo…”
Subli niining gipahinumdum nga ang mga light vehicles nga nagtimbang og ubos sa 4, 500 ang makaagi sa boulevard.
Lakip sa makaagi ang taxi tungod wala silay rota samtang gi-did-an sa pag-agi ang public utility jeepney, tri-cab, motorela, trisikad, food cart, skateboard ug bisiklita.
“…light vehicles nga nagtimbang ubos sa 4,500, pwede ang taxi kay wala may rota ang taxi, kining Public utility nga jeepney nga naa may rota mana sila so dili sila pwede moagi diha kay wala man pud nay apil sa ilang rota, kaning mga uban noh kaning mga tri-cab, motorela, trisikad, food cart, skateboard ug bisiklita dili pwede moagi diha kay hanutoy, patsada ang dalan…”
Gidiskorahe usab nila ang mga mag-jogging sulod sa Macasandig Boulevard tungod paagi-an na sa mga sakyanan.
“…among gi-discourage ang mag jogging diha sulod sa Macasandig Boulevard tungod paagian na sa sakyanan delikado, duna may portion nuon katong ibabaw sa flood control luwas gyud kaayo ang dalan…”
Rio de Oro Boulevard Management Team Chair Atty. Egay Uy.
SOURCE: SBSB
Photo Source: SRLIVE
