Suspek nga milugos-patay sa usa ka babaye sa Barangay Dansolihon ning ciudad, nadakpan na!

NADAKPAN na ang suspek nga milugos-patay sa usa ka babaye sa Barangay Dansolihon, ning ciudad!
Nagdumili ang Kapulisan sa paghatag sa pangalan sa suspek alang sa seguridad.
Matud ni Police Station 8 Lumbia Commander Police Major Mike Cavan nga nagtago ang suspek sa kalasangan sa nahisgutang barangay apan sa tabang sa igsuon niini malampuson kini’ng nadakpan sa Kapulisan.
Mi-angkon ang suspek nga iyang nabuhat ang sala tungod lango kini sa ilimnong makahubog.
Gidugang nga gibutyag sa suspek nga gibunalan una niini og bato ang ulo sa biktima una gilugos, ug gihulog sa pangpang.

“..ang atoang suspect which identified sa atoang mga families sa victim, nag -confess sad sa nabuhat nga krimen tungod sa iyang kahubog. Through the help of our community tultol na to kung aha ang whereabouts sa suspect nato, tabangan ta sa mga katawhan didto sa Dansolion then the same time ang igsuon is willing to cooperate. Sa isa ka area sa lasang na kita nato ang atong suspect nato through sa pag tawag sa igsuon niya, pagtawag sa igsuon niya nasa gilid lang atoang mga operatives ug mga barangay tanod nato and then mao tong pagduol niya sa iyang igsuon mao tong nahawiran dayon nato ang suspect. Ang confession sa suspect nga gihapak niya sa ulo ang atoang victim mao tong nagkurog-kurog na siya and then before niya gi rape ang atong victim ug after ana pagnahawasan na siya iyang giguyod ug iyang gihulog sa pangpang…”
Police Station 8 Lumbia Commander Police Major Mike Cavan

Gitakdang pasakahan og kasong homicide with rape ang suspek karung adlawa.

SOURCE: #28
Photo: SR Files