Senator Go, mihimakak sa alegasyon ni Garma!
GIHIMAKAK ni Senator Christopher “Bong” Go ang giingong reward system nga miabot og 1 million pesos matag adunay mapatay sa kampanya batok illegal nga druga sa administrasyong Duterte!
Human gibutyag ni retired Police Col. ug Former PCSO General Manager Royina Garma atol sa pagdungog sa House Quad-Committee niadtong Byernes.
Matud ni Go nga pipila na ka higayon nga gisulti sa kanhing Presidente nga wala sukad kini nagpahamtang og silot-kamatayon sa mga nalambigit sa druga.
Gihimakak usab niini ang giingong kini ang nagdumala sa salapi nga gamiton sa reward system sa drug war.
SOURCE: GMA NEWS
Photo: SunStar Philippines
