Pundo alang sa MTCIP, gi-aprobahan ni PBBM!

MOKABAT sa 37 billion pesos ang gi-aprobahan sa National Economic and Development Authority kon NEDA Board nga gipangulohan ni President Ferdinand Marcos Jr.!
Alang sa Mindanao Transport Connectivity Improvement Project kon MTCIP.
Matud ni Marcos nga usa kini ka major infrastructure nga mag-konektar sa Region 10, 11, ug 12.
Makatabang kini sa mag-uuma ug komunidad sa nasangpit nga rehiyon tungod sa mas maayo nga dalan, sayon nga pag-access sa merkado ug dugang oportunidad.
Ubos sa pagpangulo sa Department of Public Works and Highways kon DPWH, pundohan sa World Bank kon WB ang transportation system project.
Samtang, matud ni DPWH Secretary Manuel Bonoan nga ang Mindanao Transport Connectivity Transport Project parte sa master plan alang sa high-standard Highway Network Development Project nga naila nga mga proyekto nga i-developed gikan North Luzon, Central Luzon, Visayas ug Mindanao.

SOURCE: GMA News
Photo: Presidential Communications Office