Pagpahigayon og pagdungog sa Senado sa Duterte administration war on illegal drugs, dili sagulan og politika sigon ni Senator Pimentel!
MIHIRIT ang pipila ka myembro sa Kamara nga ipa-ubos sa psychological evaluation si Vice President Sara Duterte!
Aron masiguro kung adunay kapasidad nga molingkod sa nasud.
Human gibutyag ni VP Sara nga na-imagine niini nga putlon ang ulo ni President Ferdinand Marcos Jr. ug nagbahad nga kaluton ang lubong ni former President Ferdinand Marcos Sr., ug ulabay sa West Philippine Sea kon WPS.
Matud ni House Assistant Majority Leader ug Zambales Representative Jay Khonghun nga walay tawo nga anaa sa eksaktong pangisip ang maghuna-huna niini ilabina ang mohimo sa susamang pamahayag.
Kinahanglan ang psychological assessment aron masiguro kung angayan pa kini nga molingkod sa nasud sa kritikal nga posisyon.
Samtang, matud ni House Assistant Majority Leader ug La Union Representative Paolo Ortega-V nga dili madawat sa bisan kinsa ang biolente ug makahadlok nga pamahayag ilabina sa usa ka Bise Presidente.
SOURCE: Philstarngayon
Photo: The Manila Times
