Pagdagkot og kandila sa Columbarium, Bolonsori City Memorial Park, gidili sa CLENRO!

GIDILI ang pagdagkot og kandila sa Columbarium sa Bolonsori City Memorial Park!
Karong umaabot Kalag-Kalag.
Matud ni City Local Environment and Natural Resources Office kon CLENRO Head Engr. Armen Cuenca nga dili na susama kaniadto nga sa pantyon modagkot og kandila.
Tungod karon aduna na’y gitagana nga area aron didto modagkot ang mga mobisita sa ilang minahal sa kinabuhi nga mipanaw na.
Mahimo lamang nga magbutang og bulak sa Columbarium apan kinahanglan nga walay tubig aron dili itlogan sa lamok.

“..lahi naman jud karon naandan nato nga magdagkot ta diha sa atong pantyon mao gyud na usually gabuhaton, karon lahi na ang posisyon sa atong mga pantyon mao ng naa tay dagkotanan para sa pagdagkot sa kandila dili na didto sa atong pantyon kung diin nalubong. So naka assign nana sa atong City Memorial Park apil didto sa dakong krus sa, naa didto makita didto kung asa ang dagkotanan. Ginadili ang dagkot kay pinintalan naman gyud kung asa dagkutan madaot na sad so mao nay naa tay designated candle lighting area aron didto ta magdagkot. puwede sa sila magbutang og bulak pero ang atong bulak kinahanglan way tubig, kay ang tubig mahimong itloganan sa mga lamok..”
CLENRO Head Engr. Armen Cuenca

SOURCE: P.I/#27
Photo: SR Files