Operasyon sa ubang airports sa Pilipinas, planong himuong pribado sa DOTr!

PLANO sa Department of Transportation kon DOTr nga himuong pribado ang operasyon sa ubang airports sa Pilipinas!
Aron mapalambo ang serbisyo ug kuhaan sa gibug-aton ang Civil Aviation Authority of the Philippines kon CAAP nga susamang nahimong operator ug regulator sa mga airports sa nasud.
Matud ni DOTr Undersecretary for Aviation and Airports Roberto Lim nga sunod semana nakatakda ang pag-perma og concession agreement sa ahensya ug sa Aboitiz InfraCapital kon AIC alang sa opetasyon ug maintenance sa Laguindingan Airport, Misamis Oriental.
Nagkantidad ang proyekto og 12.75 billion pesos sulod sa 30 ka tuig nga concession period.
Daghan usab airport projects ang nakalinya alang sa posibleng public private partnership deal.
Gilangkuban kini sa Ilo-ilo ug Puerto Princesa.
Sa 90 ka airports sa nasud lakip ang gagmay nga airports sa isla, lima ang gi-operate sa pribadong kompanya.

SOURCE: ABS CBN
Photo Source: METRO NEWS