Mananagat nga mitabok sa dalan sa El Salvador City, nabanggaan-patay!

NABANGGAAN-PATAY sa usa ka pick ang usa ka mananagat sa Zone 3 Sinaloc, El Salvador City!
Biktima giilang si Peladio Onsai, hingkud ang panuigon ug residente sa Zone 1 Cogon sa nahisgutang ciudad samtang giila ang driver nga si Abdulcajar Tumawid, taga-Cagayan de Oro.
Base sa inisyal nga imbestigasyon paingon ang biktima sa baybay aron managat apan sa iyang pagtabok aksidente kini’ng nabanggaan sa pick-up.
Naka-angkon ang biktima og samad sa ulo human milagpot.
Matud ni EL Salvador City Police Station Investigator On Case Police Master Sergeant Jade Imbong nga nadala sa hospital ang biktima apan gideklarar nga dead on arrival.
Nagka-amicable settlement ang duha ka panig.

“…sa National Highway sa Zone 3 Sinaloc aduna nasad kitay natala nga mga aksidente kalambigitan kini sa usa ka naila na si Peladio Onsai, lumulupyo kini siya sa Zone 1 Cogon sa dakbayan sa El Salvador base sa atong pag-imbestigar sa maong area ug sa iyang anak. Kini siya padulong siya sa dagat para managat samtang nagtabok siya sa dalan sa National Highway nag-drive kini siya sa iyang bike na aksidente nabanggahan sa usa ka Toyota Hilux nga padulong sa Iligan gi-drivan ni Abdulcajar Tumawid, lumulupyo sa Cagayan de Oro, tungod kakusog sa impact matud sa nakakita naka angkon siya og mga dagko ug seryoso nga mga injuries sa iyang ulo, nadala sa balay tambalanan diri sa El Salvador pero mao lagi gi deklara kini nga dead on arrival sa tong duty nga doctor…”
EL Salvador City Police Station Investigator On Case Police Master Sergeant Jade Imbong

SOURCE: SBPSH
Photo: Google Maps