Mag-uuma nga nagsinamok sa pag-inom sa mga kaubang farmers sa Malitbog Bukidnon, gigulgol-patay!

GIGULGOL-PATAY ang usa ka mag-uuma sa Sta. Ines Malitbog, Bukidnon!
Biktima giilang si Elvin Yagsang alyas Sadoy, hingkod ang panuigon, ulitawo ug residente sa Mindagat, Malitbog samtang nagdumili paghatag ang otoridad sa pangalan sa suspek alang sa seguridad.
Base sa inisyal nga imbestigasyon giingong mi-adto ang biktima sa panimalay sa suspek ug giingong nagsamok-samok kini sa pag-inom sa mga kaubang mag-uuma.
Giingong sige og panuktok ang biktima sa pultahan rason nga misurok ang dugo sa suspek ug iya kini’ng gigawas og gigulgolan sa li-og gamit ang sanggot nga hinungdan sa hinanaling kamatayon sa biktima.
Matud ni Malitbog Municipal Police Station Investigator on case Police Chief Master Sergeant Graciano Timario nga gitakdang pasakahan og kaso’ng murder ang suspek karung adlawa.

“…gisulong tong isa gyud, lalis siguro sila wala may dumot pero murag tungod naka inom na. Sulod sa balay nainit ang isa, nairita siguro ang isa ani naka inom naman pod diha dayon gihawiran ang ulo iyang gi gulgol. Ang katong isa nag inom inom ug tanduay, ang usa gikan to sa ubos then di man daw to kaayo mo inom ang biktima. Wala man silay dumot lagi, ang biktima lagi nag adto sa balay sa suspek panuktok then naulit ang suspect sig panuktok gi abrihan gi kalit og gawas then gihawiran iyang li-og mao dayon gi hiwa..”
Malitbog Municipal Police Station Investigator on case Police Chief Master Sergeant Graciano Timario

SOURCE: P.I#12 & #8
Photo: Malitbog MPS