Lalaki napalgang-patay sa Bukana sa Barangay Bugo ning ciudad!

NAPALGANG-PATAY ang usa (1) ka lalaki sa Bukana sa Zone 4, Barangay Bugo ning ciudad!
Positibong kini nga gitudlo ug nailhan sa iyang ig-agaw tungod sa gisuot nga senina ug tattoo sa paa.
Naila ang lalaki nga si Gil Ebon Tapang adunay kaipon ug residente sa sitio Balite sa susamang Barangay.
Matud ni Ronnel Tapang, ig-agaw sa namatay nga nangita kini og trabaho gani nangita kini og buyer sa iyang grinder.
Natingala ang kabanay nganong nakaabot kini sa nasangpit nga lugar.

“…mao mana iyang gisuot gahapon iyang ngalan sir Gil Ebon Tapang nanugon to siya gahapon nga basin daw naa ko kaila nga mupalit sa iyang grinder kay gamitonon daw kaayo niya ang kwarta kay wala pa siyay trabaho mao to nga akong giingnan ang foreman namo kung mupalit unya kay walay may mo palit kay wala may interesado mao to nga akong giuli saiyaha pagka taud-taud dayon nilakaw dayon siya kay mangita kinsay mo palit sa grinder…”
Ronnel Tapang, ig-agaw sa napalgan nga lalaki.

SOURCE: SRLIVE
Photo Source: SRLIVE