Hurricane Milton nga mikuso-kuso sa Florida, 10 ka tawo patay!
PATAY ang napulo (10) ka tawo sa Hurricane Milton nga mikuso-kuso sa Florida!
Millions usab ang nawad-an og supply sa kuryente.
Matud ni Governor Ron DeSantis nga nalikayan sa estado ang “worst-case scenario” apan mahinungdanon gihapon ang damyos ug pabiling gikabalak-an ang pagbaha.
Atol sa White House briefing gibutyag ni US Homeland Security Secretary Alejandro Mayorkas nga namatay ang napulo (10) ka tawo tungod sa tornados.
Nagtuo si President Joe Biden nga kinahanglan nang mobalik sa session ang US Congress alang sa pundo sa pagtabang human sa dautang panahon.
Hisayran nga wala pa naka-schedule nga mobalik sa Washington ang myembro sa House of Representatives ug Senado hangtud human sa November 5 election.
SOURCE: Reuters
Photo Source: FORBES
