GIPUSIL-PATAY sa wala mailang suspek nga naka-motorsiklo si Police Station 2-Cogon Commander PCapt. Abdulcahar Armama!

Giingong naigo ang opisyal sa tuo nga bahin sa iyang ulo human mikanaog sa iyang sakyanan aron mopauli sa ilang pinuy-anan sa Barangay Bulua ning ciudad.
Base sa mga indibidwal nga anaa sa area nga usa ka buto ang ilang nadunggan.
Nadala pa sa pribadong hospital si Armama apan gikumpermar ni COCPO Director PCol. Salvador Radam nga dead on arrival sa hospital ang police officer.
Gilayong nagpahigayon og hot pursuit operation ang kapolisan aron masikop ang suspek.
Samtang, pamahayag sa Cagayan de Oro City Police Office kon COCPO nga lauman ang pagmugna og task force aron matumbok ang tinuod nga motibo ug ang suspek.

SOURCE: SR LIVE/COCPO PAGE
PHOTO: SR Files