Gibana-banang 1.6 million pesos nga kantidad sa illegal nga sigarilyo, nakumpiskar sa BOC ug Maritime Police sa Barangay Puntod!
GIBANA-BANANG mo-abot sa 1.6 million pesos ang kantidad sa illegal nga sigarilyo ang nakumpiskar sa Bureau of Custom kon Illegal ug Maritime police sa naka-park nga 10 wheelers truck sa Barangay Puntod ning ciudad!
Matud ni Kagawad Benky Beja nga sulod sa 10 footer nga container van ang dili mo-minus 200 ka karton sa illegal nga sigarilyo.
Gituohan nga mi-agi kini sa back door.
Gi-imbestigaran na sa otoridad si kinsa ang tag-iya sa smuggled nga sigarilyo.
Hinuon, identified na ang driver sa truck.
“..normal na karton, akong gipangutana ganina posible daw sa usa ka karton masulod na siya 40 ka rim, so ang usa ka rim musulod 20 ka kaha ing ana ka dako ang volume nga di mominus sa mga 200 sa kartons, i times nimo na sa 40 naa sa 8 mil ka rim ug depende na magvalue sa amount so estimated nila maabot sa mga 1.6 million illegal na mga sigarilyo. Normally ganina ang container maklaro man nato base sa silyo kung gikan ba sa kauluhan o karga ba sa barko so allegedly sa ilang tan aw naa ra sa lokal posible wala moagi’g barko posibleng backdoor nag by land lang ang maong container nga gikargahan sa ilegal na sigarilyo..”
Barangay Puntod Kagawad Benky Beja
SOURCE: SRLIVE
Photo: SR Files
