Gamay’ng ihap sa tropa sa Nokor sa Kursk region, Russia, gikumpermar sa Pentagon!
GIKUMPERMAR sa Pentagon nga aduna na’y gamay’ng ihap sa tropa sa North Korea sa Kursk region, Russia!
Giingong sa inisyal nga indikasyon nagsugyot nga ibutang kini sa Russia sa field batok sa tropa sa Ukraine.
Matud ni Pentagon Spokesperson Major General Patrick Ryder nga nabalaka sila nga gamiton sa Russia ang mga sundalo aron mosuporta sa ilang pakigbatok sa pwersa sa Ukraine sa Kursk.
Padayon sila nga nag-monitor ug nag-konsulta sa Ukrainian partners ingon sa ubang allies ug partners.
Utlanan sa Russia ang Kursk diin surprisang gisulong sa Ukraine niadtong Agosto hinungdan nga nahuptan ang gatusan ka square kilometers sa teritoryo.
SOURCE: Reuters
Photo: anews
