Construction worker sa usa ka proyekto sa dalan sa Barangay Bulua, naigo sa backhoe patay!
PATAY ang usa ka construction worker sa Barangay Bulua ning ciudad!
Human naigo sa bucket sa backhoe.
Biktima giila’ng si Carlo Cabungkag, 28-anyos ug residente sa Purok 1, Kamagi Barangay Tomas Cabili, Iligan City samtang giila ang operator sa backhoe nga si Mac Yoseres, 34-anyos ug lomolopyo sa FS Catanico ning ciudad.
Base sa initial nga imbestigasyon wala mabantayi sa operator sa backhoe nga ana-a pa sa bangag ang biktima nga nag-clearing hinungdan nga naigo kini sa bucket sa backhoe ug naka-angkon og seryosong head injury nga rason sa iyang hinanaling kamatayon.
Matud ni COCPO Spokesperson Police Lt. Col. Evan Viñas nga gidala sa balay-tambalanan ang biktima apan gideklarar nga dead on arrival sa attending physician.
“…dunay nahitabo nga incident, usa ka lalaki nakabsan sa iyang hinulamang kinabuhi human nga naigo siya sa backhoe, gidala siya sa balay tambalanan ug gi declared siyag dead on arrival hinungdan sa iyang injury sa ulo. Naigo siya sa bucket sa backhoe wala kahibalo matod ang operator sa backhoe nga tua diay didto sa hole o bangag ang lalaki nag clearing siya. Katong maong lalaki myembro siya sa Project Gida Construction, kasamtangan anaa sa balay-tambalanan dead on arrival deklarasyon sa attending physician…”
COCPO Spokesperson Police Lt. Col. Evan Viñas
SOURCE: P.I/#8
Photo: MAPS
