Congressman Rodriguez dili uyon sa plano’ng pagguba sa Ysalina bridge!

DILI uyon si Cagayan de Oro 2nd District Rep. Rufus Rodriguez sa plano’ng pagguba o pag-reconstruct sa Ysalina bridge sa Barangay Carmen ning ciudad!
Giinsister sa Kongresista nga ang tanang imprastraktura nga 50 na katuig protektado sa balaod, nagpasabot nga dili kini mahimong gub-on.
Matud ni Rodriguez nga iya nang gisultihan ang Department of Public Works and Highways kon DPWH nga mopasaka kini og kasong criminal batok kanila kung ilang ihinayon ang plano.

“…ang mga public works, DPWH, naa may pundo mga 200 milyon gusto nila gubaon ang Ysalina Bridge dayon butangan og bag-o nga tulay giingnan nako sila ang akong position diha, kagay-anon man gyud ta nakit-an man nato gamay pata naa nanang tulay diha kanang Ysalina Bridge tapos kana is more than 50 years old na, abi nimu tanang structure sa Pilipinas basta over 50 years na protektado nana under the law dili nana pwede gubaon, sa meeting giingnan nako ang public works kung inyo gane nang gubaon ako na gyud ang mo file sa inyo ug criminal case under the law, destruction of heritage area…”
Cagayan de Oro 2nd District Rep. Rufus Rodriguez

SOURCE: GMCDO
Photo: Metro Cagayan de Oro and Northern Mindanao