Big-time hike sa presyo sa petrolyo, masinatian sa mga motorsiklista ugmang adlawa!
MASINATI-AN sa motorista ang “big-time hike” sa presyo sa petrolyo ugmang adlawa, Oktobre 15 ning tuiga!
Kini na ang ika-upat nga sunod-sunod nga semana sa pagsaka sa diesel ug ika-tulo sa kerosene.
Pipila sa kompanya sa petrolyo ang nagpagawas og advisories nga mosaka sa 2 pesos ug 65 centavos ang matag litro sa gasolina, diesel 2 pesos ug 70 centavos ug 2 pesos ug 60 centavos sa kerosene.
Epektibo alas 6 sa buntag ang pag bag-o sa presyo.
Base sa projection sa Department of Energy-Oil Industry Management Bureau kon DOE-OIMB nga rason niini ang pagkabalda sa supply tungod sa nagpadayon nga geopolitical concerns, pagkunhod sa produksyon ug wala giplano nga pagkawala sa refinery.
SOURCE: GMA News
Photo: SR FILES
