Balor 3.5 million pesos nga shipment sa fresh yellow onions, nakumpiskar sa BPI ug BOC!
NAKUMPISKAR sa Bureau of Plant Industry kon BPI ug Bureau of Customs kon BOC ang 40-foot container nga nagdala sa 25,000 kilograms nga fresh yellow onions gikan China sa Pantalan sa Manila South Harbor!
Base sa pamahayag sa buhatan nga nagkantidad ang shipment og 3.5 million pesos nga nahidangat niadtong Hulyo ug subject sa Warrant Seizure ug detention.
Matud ni BPI director Gerard Glen Panganiban nga imposible’ng gi-ship ang nahisgutang sibuyas gamit ang SPIC tungod sanitary ug phytosanitary import clearances lamang ang ilang gi-isyu sa ulahing bahin niadtong Agosto.
Gidugang ni Panganiban nga unta magsilbi kini’ng warning sa mga wala’y prinsipyo nga traders ug kompanya.
Gisaad sa buhatan nga manubag ang nagpaluyo niini ubos sa Anti-Economic Sabotage ACT.
SOURCE: GMA NEWS
Photo: GMA Network
