143 ka Pinoy nga nag atubang og nagkalain-laing kaso sa UAE, gipasaylo!
GIPASAYLO ang 143 ka Filipinos nga nag-atubang sa naglain-laing kaso sa United Arab Emirates kon UAE!
Tungod niini nagpasalamat si President Ferdinand Marcos Jr. kang UAE President Sheikh Mohamed bin Zayed atol sa ilang paghinabi pinaagi sa telepono.
Matud ni Marcos nga ang “generous act” nakapahupay sa daghang pamilya.
Wala na gibutyag kung unsa nga krimen nakonbikto ang 143 ka Filipinos ug kung unsa nga sentensiya ang ilang gi-atubang sa UAE.
Gipasalamatan usab niini ang tabang sa UAE sa milabay nga typhoon ug pagbaha nga miguba sa nasud.
Migawas ang maong balita gikan sa Palasyo, semana human napahamtangan og silot kamatayon ang usa ka Filipino sa Saudi Arabia tungod sa kasong murder.
SOURCE: ABS/Philstar
Photo Source: INQUIRER
