Pipila ka probinsya sa Luzon, gibaha tungod sa bagyong Gener!
GIBAHA ang pipila ka probinsya sa Luzon!
Human gikuso-kuso sa Tropical Depression Gener ug Southwest Monsoon o Habagat ang nasud.
Sa pag-landfall ni Gener sa Isabela, tulo (3) ka dalan ang dili maagi-an human milapas ang tubig sa tulo (3) usab ka suba tungod sa ulan ug pag-release og tubig sa Magat Dam.
Gi-suspenso ang klase sa pipila ka tunghaan sa Cagayan tungod nabahaan.
Naka red alert status ang Pangasinan Provincial Disaster Risk Reduction and Management Office kon PDRRMO tungod sa posible’ng epekto sa Gener sa probinsya.
Samtang sa Dagupan, mi-resulta ang high tide sa pagbaha sa pipila ka dalan ug patigayon.
Gipa-ubos sa PAG-ASA sa Tropical Cyclone Wind Signal No.1 ang 24 ka lugar kaganihang buntag.
SOURCE: GMA news
Photo: Remate Online
