Pedestrian nga mitabok sa dalan sa National Highway sa Jasaan, nabanggaan-patay!
NABANGGAAN-PATAY sa bao-bao ang usa ka lalaki sa National Highway, Aplaya, Jasaan, Misamis Oriental!
Biktima giiilang si Crizaldy Edorot, hingkud ang panuigon ug residente sa nahisgutang lugar samtang giila ang driver sa bao-bao nga si alyas Lonyo.
Base sa inisyal nga imbestigasyon, giingong patabok ang biktima sa pikas lane ug susamang nagpatintero kini sa bao-bao tungod giingong nagduha-duha kini sa pagtabok hinungdan nga nabanggaan ug nalagpot.
Naka-angkon kini og samad sa ulo nga hinungdan sa hinanaling kamatayon.
Matud ni Jasaan Municipal Police Station Investigator On Case Patrolman Wilkim Grate nga nadala sa balay-tambalanan ang biktima apan gideklarar nga dead on arrival.
“..kani si Crizaldy Edorot mitabok sa dalan kaning dulog pod gikan sa Balingasag paingon sa Cagayan nga direction iyang nabanggaan. Kita man niya sa dalan murag nagpatintero na sila, mu menor bako o dili murag ana ang nahitabo sa iyang pagduha duha nadumbulan na hinuon niya. Nakita niya pero kanang iyang huna huna na ‘ah di pana mutabok’ murag ana siguro ba so ulahi na dayon siya naka apply og brake nga mahunong niya. Nadala pa sa MDRRMO Jasaan sa Jasaan Community Hospital pero gi declare gihapon sa attending physician nga dead on arrival..”
Jasaan Municipal Police Station Investigator On Case Patrolman Wilkim Grate
Kasamtangang nadetinar ang driver sa bao-bao sa Police station alang sa proper disposition.
SOURCE: #28
Photo: MAPS
