Pagpagawas sa Senado sa hulagway kauban si Tony Yang, gikakurat ni RACU Chief Police Col. Gonda!
GIKAKURAT ni Regional Anti-Cybercrime Unit kon RACU-10 Chief Police Col. Lemuel Gonda ang litrato’ng gipagawas sa Senado kauban si Tony Yang, igsuon ni Michael Yang kinsang executive economic advisor ni former President Rodrigo Duterte!
Matud ni Gonda nga unta gi-verify sa mga researcher ni Senator Risa Hontiveros ang nahisgutang hulagway ug unsa’y koneksyon nila ni Yang.
Gidugang sa opisyal nga lisud kaayo magbutang og hulagway nga wala’y basis alang sa ilang political discussions.
Una nang gipasabot ni Gonda nga kuha ang hulagway sa pag-ila kang former President Ro Duterte ug Senator Bong Go isip adopted Son sa Cagayan de Oro City niadtong miaging tuig.
“..ang kato nakurat ta gahapon nga naa atong picture nga gipagawas. So atong kuan ato is kanang gigawas ang picture so wala siya basis kung unsa among koneksyon kay Mr Yang. Ang challenge sa mga researcher ni Senator Hontiveros, ila i-verify kung unsa nga picture kung unsay basis unsa iyang source unsa pod ang access niya sa picture ma-prove ba na nila lisod magbutang-butang lang ta picture for political discussion nila during the inquiry na wala man sila’y basis sa mao nga picture. Ang kana nga picture nakuha na last year September 23, 2023 sa usa ka activity sa local government unit sa Cagayan de Oro sa Luxe hotel sa second floor na gihimo to kay mao man to activity sa LGU, na gi-recognize as adopted sons of Cagayan de Oro City, si former President Rodrigo Roa Duterte and Senator Bong Go tungod sa ilang nahimo during the COVID response ug uban pang mga assistance. Naa man didto ang mga city local officials sa diri sa dakbayan o sa probinsya naa pod ang mga businessman, mga national and local agencies apil pod ang atong kapulisan nga mga head na naa pod dito nag-attend…”
RACU-10 Chief Police Col. Lemuel Gonda
SOURCE: SRLIVE
Photo: Rappler
