Pagbaligya sa ubos nga presyo sa sigarilyo, vape, ug ubang produkto sa tobacco, hugtanong gidiskorahe sa BIR!

GIPAHINUMDUMAN sa Bureau of Internal Revenue kon BIR ang mga gapamaligya og sigarilyo, vape ug ubang produkto sa tobacco nga dili mamaligya sa mas ubos sa presyo!
Ubos sa Section 145 (C) sa National Internal Revenue Code kon NIRC, gidili ang pagpamaligya og tobacco products nga mas ubos ang presyo itandi sa excise ug value-added taxes nga gipatuman ubos sa balaod.
Multahan og dili moubos sa 10 ka pilo sa kantidad sa excise ug value-added taxes ang makalapas sa balaod,
apan dili kini moubos sa 200,000 pesos o dili molapas sa 500,000 pesos.
Mahimo usab silang mapriso sulod sa 4 hangtod 6 ka tuig.
Samtang, ubos sa 263 (A) sa NIRC, gidili ang pagbaligya og heated tobacco products ug vapor products sa mas ubos nga presyo itandi sa excise ug value-added taxes.
Ang mohimo niini, multahan og 10 ka pilo sa kantidad sa excise tax ug value-added tax apan dili moubos sa 200, 000 pesos.
Ma-priso kini og 4 ngadto 6 ka tuig.
Molangkob usab ang balaod sa online marketplaces ug sellers.

SOURCE: ABS CBN news
Photo: ABS-CBN News