Pagbacklist sa mga importers nga gitawag og “onion cartel”, gikonsiderar sa DA!
GIKONSIDERAR sa Department of Agriculture kon DA ang pag-blacklist sa importers nga gitawag og “onion cartel” nga gipahamtangan og multa sa Philippine Competition Commission kon PCC!
Tungod sa giingong panagkunsabo, nga hinungdan sa pagsaka sa presyo sa sibuyas ngadto sa 700 pesos matag kilo niadtong 2022.
Gidayeg ni Agriculture Secretary Francisco Tiu Laurel Jr., ang pagsang-at sa PCC og kaso batok sa 12 ka importers tungod sa paglapas sa provisions sa anti-cartel provision of the Philippine Competition Act kon PCA.
Dumduman nga nasuta sa anti-trust body nga gi-cartel sa nahisgutang importers ang suplay sa sibuyas pinaagi sa pag-assign sa Sanitary and Phytosanitary Import Clearances kon SPSICs nga gipagawas sa Department of Agriculture-Bureau of Plant Industry kon DA-BPI sa ilang kaugalingon, ug giingong pagtunga sa volume sa imports sulod sa grupo.
SOURCE: GMA NEWS
Photo: NewsWatch Plus
