Mga hulagway ni Yang kauban ang pipila ka police officers sa Northern Mindanao, gikwestyon ni Senator Risa Hontiveros!

GIKWESTYON ni Senate Deputy Minority Leader Risa Hontiveros ang hulagway sa negosyante’ng si Tony Yang kauban si former Philippine National Police kon PNP Chief Benjamin Acorda Jr.!
Atol sa pagpadayon sa imbestigasyon sa Senado kabahin sa illegal POGO hubs
Gipakita ni Hontiveros ang nahisgutang hulagway sa Senado.
Apan gipasabot ni Yang nga dili panagtagbo ang nahisgutang meeting ug igo lamang sila mibisita sa head sa police sa Cagayan de Oro City Police Office kon COCPO.
Gidugang niini nga dugay na sila’ng magkaila ni Acorda.
Gibutyag ni Hontiveros ug Senate Pro Tempore Jinggoy Estrada nga kuha ang hulagway samtang Regional director si Acorda sa Police Regional office kon PRO-10.
Samtang, gawas kang Acorda gipakita usab ni Hontiveros ang litrato ni Yang kauban sila’ng former PRO-10 retired General Lawrence Coop, Regional Cybercrime Unit kon RACU-10 Chief Colonel Lemuel Gonda, former COCPO Director Colonel Aaron Mandia.

SOURCE: GMA NEWS
Photo:ABS-CBN