Manghud nga midunggab-patay sa iyang magulang sa Salay, Misamis Oriental, mitahan sa kapolisan!

NAKA-KUSTODIYA na human mitahan sa Salay Municipal Police Station, Misamis Oriental ang manghud nga midunggab-patay sa iyang magulang kagabii!
Naila ang biktima nga si Hermogen Rabunggi, 34 anyos, ulitawo taga Purok 6, Bobulutan, Barangay Casulob, Salay samtang naila ang suspek nga si Joel Rabunggi, 25 anyos, ulitawo ug residente sa susamang dapit.
Matud ni Salay Municipal Police Station OIC-Chief of Police, Police Captain Eric Veter nga sa pagdalikyat sa kapolisan sa lugar naabtan nila nga nagkulob ang biktima ug dugoan.
Hinungdan nga gidala sa Balingasag Hospital apan gi-deklarang dead on arrival.
Nasuta sa inisyal nga imbestigasyon nga nagkabingkil ang mag-suon nga pulos ubos sa ilimnong makahubog hinungdan nga nag-resulta sa pagpangdunggab.
Naka-angkon sa ubay-ubay nga samad dinunggaban ang biktima gamit ang kotsilyo.
Dugang impormasyon nga nakuha sa kapolisan nga gibaharan sa magulang nga namatay nga dunggabon ang iyang inahan, panahon nga badlungon kini hinungdan nga nadunggan sa manghud ug nagsugod ang panaglalis.

“…giandam pa mo ang kaso nga posible i file batok sa suspect, pero ang suspect after sa pagkahitabo gitahan niya ang iyang kaugalingon diri sa among station, sa Salay Municipal Police Station og ania siya sa among station temporary sa siya og kustodia. base sa pag tuki-tuki na mo sa area, na sila heated argument sa iyang magulang niabot sa pagdinonggaba. Kini silang duha po sila naay under sa influence of liquor. Ang iyang magulang nakainom na din, kini pong isa nakainom pod, sa inisyal na imbestigasyon murag naa silau kuwan sa ilang pamilya kini silang duha sila naa nay daan nga bingkil bingkil. Naay information nga kini daw magulang naghisgkot daw nga bahin sa iyang mama kanang badlungon bitaw na siya sa iyang mama kibali iyang gibaharan iyang mama nga dunggabon nadunggan aning manghud nagkuwan na dayon ang ilang panaglalis…”
Salay Municipal Police Station OIC-Chief of Police, Police Captain Eric Veter

SOURCE: P.I/#27
Photo: MAPS