Damyos sa imprastraktura tungod sa bagyong Enteng ug habagat, misaka sa dul’ag 700 million pesos!
MISAKA sa dul’ag 700 million pesos ang damyos sa imprastraktura sa unom ka rehiyon sa nasud!
Tungod sa bagyong Enteng ug habagat.
Base sa datos sa National Disaster Risk Reduction and Management Council kon NDRRMC, ang Bicol region ang naka-angkon og grabeng damyos sa imprastraktura nga nagbalor 356.1 million pesos.
Gisundan sa Cagayan Valley sa 111.9 million pesos ug Cordillera Administrative Region kon CAR sa 50.3 million pesos.
Sa kinatibuk-an, kapi’g 500 ka imprastraktura sa tibuok nasud nga nagbalor 698.9 million pesos ang nadamyos.
Nagpabiling dili ma-agi-an ang 25 ka dalan ug 10 ka tulay sa pipila ka lugar.
Miabot sa 7,622 ka panimalay ang nadamyos, diin 493 ang totally destroyed ug 7, 129 ang partially damaged.
SOURCE: GMA NEWS
Photo Source: PHILSTAR
