60-days preventive suspension batok kang Kinoguitan Mayor Lagbas, wala pa napirmahan ni Governor Unabia!
WALA pa napirmahan ni Misamis Oriental Governor Peter Unabia ang gipakanaog sa Sangguniang Panlalawigan nga 60-days preventive suspension!
Batok kang Kinoguitan Mayor Junjun Lagbas.
Matud ni Provincial Board Member Gerardo “Boboy” Sabal nga gihulatan lamang nila nga mapirmahan ug ma-implementar sa Gobernador ang nasangpit nga order.
“..mao ng gisumiter ang resolution, recommending for the preventive suspension for 60 days, naa na kana sa opisina ni Governor Peter Unabia, ako lang gisunod kung unsa’y nahilatid sa atong balaodmon na ang atong halandong gobernador ang gitagaan sa balaod na mo implementar sa ana nga preventive suspension order…”
Provincial Board Member Gerardo “Boboy” Sabal
Hisayran nga nagpalabang ang Sangguniang Panlalawigan og 60-days preventive suspension batok sa nahisgutang Mayor human gireklamo tungod sa giingong naguba nga coral reef sa pantalan nga wala gi-atiman sa opisyal.
SOURCE: SBPSPH
Photo: SR FILES
