Tulo ka managlahing sunog sa dakbayan kagahapong adlawa, natala!

TULO ka managlahing sunog ang nahitabo kagahapong adlawa sa ciudad!
Unang sunog nahitabo sa usa ka pribadong kompanya nga nahimutang sa Baloy, Barangay Tablon.
Ikaduhang, sunog nahitabo sa Buena Oro, Barangay Macasandig, nga gideklarar nga extinguished upon arrival.
Samtang, ikatulong sunog natigayon sa Zone 4, Camuning, Barangay Carmen.
Diin upat ka panimalay ug usa ka tindahan ang apektado, tulo ang totally damage, duha ang partially damage.
Gipanag-iyahan ang panimalay sa pamilyang Tabamo, Jaraula, Castro, Bersalona, Jabla ug Ambal.
Base sa initial nga imbestigasyon nga nagsugod ang kalayo sa panimalay sa pamilyang Jabla ug gibutyag nga dugay nang wala’y nagpuyo niini.
Matud ni Carmen Fire Station Arson Investigator SF02 Debbie Mabulay nga gibana-banang mikabat sa 300-mil pesos ang damyos sa natigayong sunog.
Padayon usab nila’ng gi-imbestigaran ang hinungdan sa kalayo.
Hinuon, wala’y natalang casualties o fatalities sa nahisgutang insidente.

“…under investigation pa siya accordingly sa tag iya wala siya sa ilang balay ana nga panahona, wala na daw nila gipuy an. Ato gyung susihon kung unsa gyud ang hinungdan sa sunog. Ang totally damage 3, tapos 1 partial then naay tindahan gamay raman daw 5 tanan. Estimated damage 300,000 more or less structural..”
Carmen Fire Station Arson Investigator SF02 Debbie Mabulay

Samtang temporaryong gihikling ang mga biktima sa Macanhan National High School.
Matud ni Barangay Carmen Child Development Teacher Chona Agravante Olay nga nakadawat ang mga biktima og bugas, kaldero, kalha, kalan, banig, habol, towel ug tsinelas.

“..sa Mayor’s office ug kang Kap Kikang, naay rice, set sa kaldero, kalha, kalan, kitchen utensils, naay tubig, banig, habol, towel ug tsinelas..”
Barangay Carmen Child Development Teacher Chona Agravante Olay

SOURCE: SRLIVE
Photo: SR FIles