Tulo ka managlahing sunog nahitabo sa ciudad karong buntag; damyos sa usa ka balay nga nasunog 600, 000 pesos!

TULO ka managlahing sunog ang nahitabo karong buntag sa ciudad!
Unang sunog nahitabo sa Flamingo corner Eagle St. San Isidro Village Zone 1, Kauswagan, ning ciudad.
Gipanag-iyahan ni Lito Legaspi ang nasunog nga panimalay, kinsa usab naka-angkon og 1st degree burn human napaso ang kamot ug tiil.
Matud ni Kauswagan Fire Station Chief SFO4 Daniel Pinuliad nga mokabat sa 600, 000 pesos ang damyos sa sunog apan posible pa kining mausab.
Subling mi-ulbo ang kalayo sa alcoba nga bahin apan natabang ra sa bombero.

“..sa among assessment that is only 600,000 more or less. So karon nag clearing nana siya katong ganina once nga mag over hauling the operation is continue so ang nahitabo ganina wala may problema kusog lang iyang development kay wala nato makita ang isa ka portion didto nga naa diay bodega. Basura man to siya pero uga naman siya duda nako natagakan og gasiga nga baga mao tong kalit nga gisiga. Karon gisudlan na gyud..”
Kauswagan Fire Station Chief SFO4 Daniel Pinuliad

Ang ikaduhang sunog, nahitabo sa usa ka balay sa Scions sa susamang Barangay apan extinguished upon arrival.
Samtang, kapin kon kulang 3-mil pesos ang damyos sa gamay’ng sunog sa usa ka panimalay sa San Pedro, Barangay Gusa ning ciudad.
Matud ni Lapasan Fire Station Arson Investigator FO2 Angelou Daisog nga gipanag-iyahan kini ni Ariel Tan apan mga trabahante na ang nag-okupar sa silong nga bahin sa panimalay.
Sa ilang imbestigasyon, sa pagbalik sa kuryente human nawala, mipiti ang wire sa alcoba sa 2nd floor.
Hinungdan nga sa pagkadungog sa mga trabahante, ila kining gipangita ug gigamitan sa fire extinguisher hinungdan nga wala na mikatag pa ang kalayo.

“…cause sa sunog is electrical sa may alcoba kay Ariel Tan. Nawala ang power supply sa anang buntaga pag balik sa kuryente nipiti dayon and then nakadungog man ang occupant ug trabahante. Ang balay wala na diha nag puyo ang tag iya so kibali ang nag occupy sa silong mga trabahante so mao pagkadungog nila sa piti nigawas sila ilang gipangita asa nag piti-piti, and then nakita nila sa 2nd floor nga nag aso mao to na identify man nila nagkuha silag fire extinguisher ilang gigamit mao tong wala nidako ang kalayo kay na detect as early, wala pa mi nakaabot ila ng na extinguish daan..”
Lapasan Fire Station Arson Investigator FO2 Angelou Daisog

SOURCE: SR LIVE/P.I/#27
Photo: SR Files