Senior citizen, nahulog-patay sa dike sa Amoros, El Salvador City, Misamis Oriental!
WALAY nakitang foul play ang kapolisan sa kamatayon sa usa ka senior citizen sa Zone 1C, Amoros, EL Salvador City Misamis Oriental karong buntag!
Naila ang biktima nga si Leonardo Jamis, 68 anyos, balo ug residente sa susamang lugar.
Matud ni El Salvador City Police Station Investigator PSMSgt. Ronald Ventic nga aksidente nga na-slide ug nahulog sa dike ang bikitma.
Gibana-bana nga mo-abot sa 10 feet ang katas-on sa natagakan sa lalaki hinungdan nga naka-angkon og samad sa likod nga bahin sa iyang ulo.
Gidala sa City Health Office kon CHO ang biktima apan gi-deklarang Dead on Arrival.
Dugang imbestigasyon sa kapolisan nga matag adlaw gainom ang biktima ug kagabii sige na kini og kalamba ug katumba.
Gituohang gabii pa nahitabo ang insidente ug kaganihang buntag napalgan.
“…nakita nato nga walay foul play atong nakita nga purely accidental, nakita nato sa area nga naligyas siya sa dike, mao to nga pagkaligyas niya naigo iyang ulo sa sakong semento ug mao nay hinungdan sa iyang kamatayon. Leonardo Jamis lalaki kini 68 years old widow nani siya. Sa initial nga imbestigasyon no ang biktima halos everyday na siyang makainom buntag, muhawa sa buntag tapos muuli na og gabii, pag uli sa gabii hubog na. Actually kaning ah base sa hinabi sa mga sinili silingan na. pag muuli na magabi sige na siyag kalamba na didto dapit sa ila sigeg katumba pero kadtong pagkahulog niya pirmero pa niya pagkahulog..”
El Salvador City Police Station Investigator PSMSgt. Ronald Ventic
SOURCE: SR LIVE
Photo: SR Files
