Pipila ka supporter ni Quiboloy nga nagprotesta, gipusasan sa Kapulisan!

GIPUSASAN sa Davao City Police Office ang pipila ka mga supporter ni Pastor Quiboloy nga nagprotesta!
Gisakop sa supporter sa Pastor ang tibuok national highway sa Buhangin, Davao City karung adlawa.
Nunot kini sa padayong pagpangita sa Kapulisan sa underground bunker nga giigong gitagoan ni Quiboloy.
Una nang gihatagan og napulo ka minuto ang supporter ni Quiboloy nga langkaton ang mga barikada.
Samtang, duol na nga madakpan sa Philippine National Police kon PNP si Kingdom of Jesus Christ kon KOJC leader Apollo Quiboloy!
Matud ni Police Regional Office kon PRO-11 Director Police BGen. Nicolas Torre III nga ilang nadiskobrehan gamit ang underground penetrating radar ang usa ka underground bunker sulod sa compound sa KOJC sa Buhangin Davao City.
Nagtuma usab kini sa impormasyon sa ilang informant nga gikan sa sulod sa compound.
Apan, wala pa nila masuta kung asa ang entrance sa underground nga posible’ng gitagoan ni Quiboloy.

“..Those who are very confident in the results of the ground penetrating radar at ang hinahanap na lang namin pasukan na lang talaga yung facility na underground na hindi namin nakikita galing sa labas…”
PRO-11 Director Police BGen. Nicolas Torre III

SOURCE: UNTV
Photo:ABS-CBN Twitter